TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një tjetër ushtarak i lartë rus është vrarë nga forcat ukrainase.
Bëhet fjalë për kolonelin Aleksey Sharov, komandanti i Brigadës 810 të Marinsave të Detit të Zi
Skynews shkruan se vdekja e kolonelit është konfirmuar për mediat ruse nga zyrtarët vendas.
Ndërkohë sipas NewsWeek, vdekja e tij u njoftua përmes rrjetit social "Telegram" nga komandanti ushtarak i Odesës, Sergei Bratsuk dhe më vonë u transmetua nga mediat ukrainase, duke përfshirë agjencinë shtetërore të lajmeve Unikform.
Another senior Russian officer killed in Mariupol, Russian officials confirm. Col. Aleksey Sharov, commander of the 810th Black Sea Marines Brigade. https://t.co/VTkhMC4b4p
— Yaroslav Trofimov (@yarotrof) March 23, 2022
“Komandanti i Brigadës së Marinës Ruse u neutralizua nga ushtria jonë,” tha Bratsuk, duke shtuar se “kjo do të ndodhë me këdo…që përpiqet të vrasë fëmijët tanë”. Lajmin për vdekjen e kolonelit rus e ka postuar në Twitter edhe oficeri i ushtrisë ukrainase Anatoliy Stefan.
Në të njëjtën kohë, këshilltari i Volodymyr Zelensky, Mikhail Pontoliak, tha se gjashtë gjeneralë rusë ishin vrarë gjatë luftës, ndërsa një diplomat i lartë evropian i tha Foreign Policy se mund të kishte pesë gjeneralë të vdekur. Megjithatë, Foreign Policy tha se zyrtarët e inteligjencës perëndimore theksuan se deri në njëzet ushtarakë të lartë mund të kenë vdekur.
