TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Autoritetet në qytetin Mariupol thonë se ushtria ruse ka bombarduar një shkollë arti ku ishin strehuar rreth 400 njerëz.
Sipas autoriteteve lokale ndërtesa e shkollës u shkatërrua dhe shumë njerëz kanë mbetur nën rrënoja, por nuk ka asnjë informacion për numrin e viktimave.
Autoritetet ruse pohuan se raketat TOS-1A u përdoren kundër nacionalistëve ukrainas nga milicia popullore e Republikës Popullore të Donetskut me mbështetjen e ushtrisë ruse gjatë një operacioni special në Ukrainë.
Autoritetet në qytetin lindor të Ukrainës, Kharkiv, thonë se të paktën pesë civilë, përfshirë një djalë nëntë vjeçar, janë vrarë nga bombardimet e fundit ruse.
Ndërkohë pamjet satelitore tregojnë si dukej teatri i Mariupolit përpara se të shndërrohej në rrënoja nga granatimet ruse.
Më herët, presidenti ukrainas Volodymyr Zelensky tha se rrethimi i qytetit port nga Rusia ishte “një terror që do të mbahet mend për shekujt e ardhshëm”.
Komentet e tij erdhën pasi autoritetet lokale thanë se trupat ruse kishin dëbuar me forcë disa mijëra njerëz nga qyteti i rrethuar javën e kaluar, pasi Rusia kishte folur për ‘refugjatë’ që vinin nga porti strategjik.
