TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë është regjistruar në Belgjikë, ku një makinë ka hyrë mes turmës së njerëzve dhe për pasojë gjashtë persona kanë humbur jetën.
Ngjarja ndodhi në Strepy-Bracquegnies, fshat në komunën e La Louviere.
Mediat e huaja bëjnë me dije se dhjetë të tjerë janë plagosur dhe 27 të lënduar lehtë.
Në vendin e aksidentit ishin të pranishëm 150-200 persona që po festonin karnavalin
Autoritetet, arrestuan dy vendas të lindur në vitet 1988 dhe 1990.
Sipas kryetarit të bashkisë së qytetit, Jacques Gobert, “një makinë me shpejtësi u fut mes turmës që ishte mbledhur për të parë ‘ramassage des Gilles'”, mbledhjen e disa maskave tradicionale të karnavalit.
Më pas shoferi vazhdoi rrugën, por ne e ndaluar”, shtoi kryebashkiaku. Gjatë konferencës për shtyp u bë e ditur arrestimi i dytë.
Ndërkohë, bashkia ka krijuar planin e saj të emergjencës.
“Kemi vënë në dispozicion të familjeve sallën sportive komunale dhe është aktivizuar edhe shërbimi i ndihmës ndaj viktimave”, sqaroi Gobert.
Mbreti i Belgjikës Philip dhe kryeministri Alexander De Croo mbërritën në skenën ku ndodhi tragjedia.
Po ashtu mësohet se fatmirësisht mes viktimave nuk ka fëmijë.
