TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan Donald Trump ka reaguar pas shkeljes së armëpushimit mes Izraelit dhe Iranit, duke shprehur pakënaqësi ndaj të dyja palëve, por duke theksuar se është “më i pakënaqur me Izraelin”.
Në një deklaratë për gazetarët, përpara nisjes së tij drejt samitit të NATO-s në Hagë, Trump u shpreh se Izraeli ka ndërmarrë sulme menjëherë pas shpalljes së marrëveshjes për armëpushim, duke cenuar kështu besueshmërinë e procesit.
“Irani dhe Izraeli e kanë shkelur armëpushimin, por Izraeli e bëri i pari. Nuk jam i kënaqur me asnjërin, por më shumë jam i pakënaqur me Izraelin”, tha Trump.
Ai shtoi gjithashtu se, sipas tij, kapacitetet bërthamore të Iranit “janë zhdukur”, pa dhënë detaje të mëtejshme mbi këtë deklaratë.
Deklaratat e Trump vijnë në një moment tensionesh të larta në Lindjen e Mesme, ndërkohë që përpjekjet ndërkombëtare për stabilizim në rajon po duken gjithnjë e më të brishta.
