TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mediat gjermane i kanë kushtuar një artikull rasteve të punësimit illegal në vend. Bëhet fjalë për tre punësime të paligjshme që rezultuan se ishin në sektorin e ndërtimit.
Gjithçka nisi kur disa zyrtarë të kontrollit financiar gjerman për punë të padeklaruar vendosen në Dortmund të kontrollojnë një projekt ndërtimi në Recklinghausen-Süd.
Si përfundim i kontrollit, raporti i tyre tregon se dy shtetas nga Shqipëria dhe një shtetas nga Maqedonia e Veriut ishin të punësuar si punëtorë ndërtimi, në mënyrë ilegale.
Referuar raportit, çdo person i ardhur nga Ballkani, qoftë shtetasit shqiptarë apo maqedonas, kanë nevojë për një lejeqëndrimi që u jep të drejtën për të punuar në Gjermani.
Ndërkohë që tre burrat, të moshës 24, 32 dhe 38 vjeç, mund të identifikoheshin vetëm me pasaportat e tyre. Ata nuk kishin një lejqëndrimi të vlefshme për të marrë një punë fitimprurëse.
Raportohet se ndaj tyre u ngrit procedimi penal me dyshimin për qëndrim të paligjshëm.
Mediat gjermane fokusin e hedhin te punëdhënësi i shqiptarëve që tani po përballet me procedimin për lehtësimin e qëndrimit të paligjshëm dhe punësimin e paligjshëm të punëtorëve pa leje pune të vlefshme.
Raportohet se ai do të përballet me një dënim deri në dhjetë vjet burgim, apo me një gjobë deri në 500 000 euro.
