TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vazhdojnë kërkimet mes rrënojave dhe mbetjeve në Teksas, pesë ditë pas përmbytjeve të befasishme që goditën rajonin dhe morën jetën e të paktën 110 personave, mes tyre edhe shumë fëmijë.
Sipas guvernatorit të Teksasit, Greg Abbott, numri i të zhdukurve ka kaluar në mbi 170 persona, ndërsa që prej së premtes nuk është gjetur asnjë i mbijetuar.
Situata më e rëndë paraqitet në qarkun Kerr, ku edhe kryeqendra Kerrville ka pësuar dëme të mëdha nga shirat e rrëmbyeshëm që ranë më 4 Korrik. Niveli i lumit Guadalupe u rrit me gati 8 metra brenda pak orësh, duke shkaktuar përmbytje të menjëhershme.
Sherifi i qarkut, Larry Leitha, njoftoi se numri i viktimave ka arritur në 95, nga të cilët 36 janë fëmijë. Ndër viktimat janë të paktën 27 vajza dhe kujdestarët e tyre nga kampi i krishterë Camp Mystic, i vendosur pranë lumit.
Autoritetet paralajmërojnë se numri i viktimave pritet të rritet, ndërsa uji tërhiqet dhe ekipet e kërkim-shpëtimit vijojnë operacionet në terren.
