TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-presidenti Donald Trump tha se “SHBA është në një pozitë shumë të keqe” pasi presidenti rus Vladimir Putin “u bë trim” për të pushtuar Ukrainën. Sipas Trump, “trimëria” e Putin ka ardhur pas tërheqjes së SHBA nga Afganistani.
“Ne jemi në një pozitë vërtet të keqe tani. Unë mendoj se Putini u bë shumë më ambicioz. Ai donte të negocionte për një periudhë kohore, kur shikoi Afganistanin – kur shikoi tërheqjen jashtëzakonisht të keqe – ku SHBA-të nxorën së pari ushtrinë dhe lanë pas pajisje me vlerë 85 miliardë dollarë për talibanët që t'i përdornin. Dhe sigurisht vdekjet. Kur i panë të gjithë, mendoj se u trimëruan.
Është tronditëse sepse nuk duhet të kishte ndodhur kurrë, nuk do të kishte ndodhur kurrë nëse do të isha në detyrë. E njihja shumë mirë. E ndalova tubacionin e tij, e sanksionova më shumë se të gjithë të tjerët. Askush nuk ishte më i ashpër me Rusinë, por unë shkova shumë mirë me Putinin, ne e respektonim njëri-tjetrin.” tha Trump për Fox.
Rusia thuhet se po planifikon të pushtojë Ukrainën të mërkurën, raportoi SHBA pasi Shërbimi Sekret, CIA dhe Pentagoni thanë se morën plane pushtimi ‘jashtëzakonisht të detajuara’ që ishin planifikuar për 16 shkurt – duke bërë që presidenti Joe Biden të organizonte një telefonatë me Putinin.
