TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Eric Trump lë të hapur mundësinë për kandidaturë presidenciale pas mandatit të të atit.
Eric Trump ka sugjeruar se ai ose një tjetër anëtar i familjes Trump mund të kandidojë për president pas përfundimit të mandatit të dytë të Donald Trump në Shtëpinë e Bardhë.
Në një intervistë për Financial Times, 41-vjeçari tha se rruga drejt presidencës do të ishte “e lehtë” për të, nëse do të vendoste të hynte në politikë.
“Pyetja është nëse dua që fëmijët e mi të përjetojnë atë që kam përjetuar unë gjatë këtyre dhjetë viteve”, u shpreh ai, duke shtuar:
“Nëse përgjigjja është po, atëherë po, besoj se mund ta bëja. Dhe, sinqerisht, edhe anëtarë të tjerë të familjes sonë mund ta bënin.”
Ndryshe nga vëllai i tij Donald Jr. dhe motra Ivanka, Eric është fokusuar kryesisht në drejtimin e Trump Organization dhe ka qëndruar në prapaskenë që prej vitit 2017, kur i ati mori postin presidencial. Megjithatë, ai pranoi se politika ka qenë gjithmonë në radarët e tij.
Ai nuk kurseu kritikat për klasën politike amerikane, duke thënë se “është i zhgënjyer nga gjysma e politikanëve” dhe se do të mund ta kryente rolin shumë më efektivisht.
Në lidhje me akuzat për përfitime nga politika, Eric mohoi çdo përfitim financiar të familjes Trump nga Shtëpia e Bardhë.
“Nëse ka një familje që s’ka përfituar nga politika, ajo është e jona. Kemi shpenzuar gati 500 milionë dollarë duke u mbrojtur nga mashtrime dhe akuza të rreme”, tha ai.
