TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
"Treguesi i ndjesisë ekonomike (TNE) ra me 3.9 pikë gjatë tremujorit të katërt të vitit 2017, duke qëndruar rreth nivelit 110," thuhet në vrojtimin e fundit të biznesit dhe konsumatorëve, që bën BSH.
Sipas Bankës, perceptimi për situatën ekonomike është përkeqësuar në të gjitha degët e ekonomisë, përveç shërbimeve.
"Rënia e Treguesit të ndjesisë ekonomike pasqyroi rënien e besimit në sektorët e ndërtimit, tregtisë e industrisë, si edhe rënien e besimit të konsumatorëve," thuhet në vrojtim.
Rënia më e fortë është shënuar në sektorin e ndërtimit, me 12.4%, ndërsa besimi në sektorin e industrisë u përkeqësua me 9.9 pikë.
Qytetarët pesimistë
Treguesi i besimit konsumator shënoi rënie me 0.7 pikë përqindje në tremujorin e katërt, duke ndërprerë rritjen e dy tremujorëve të mëparshëm. Sipas Bankës së Shqipërisë, qytetarët vlerësojnë se situata e tyre financiare është përkeqësuar dhe po kështu kanë pritshmëri me pesimiste
"Dinamika e besimit konsumator u përcaktua nga rënia e tre prej balancave përbërëse të tij: situata e përgjithshme ekonomike e pritur në vend (-3.2 pikë përqindje), situata financiare e pritur e familjes (-2.7 pikë përqindje) dhe situata e të ardhurave dhe shpenzimeve (-2.2 pikë përqindje,"- përfundon vrojtimi.
