TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti serb Aleksandër Vuçiç është takuar këtë të mërkurë me kryeministrin grek, Kirjakos Mitsotakis, në Serbi.
Vuçiç u shpreh se Serbia e sheh Greqinë si një mik të sinqertë dhe se nuk është e lehtë të përshkruhet vlerësimi për vendin.
Gjithashtu Vuçiç falënderoi kryeministrin Mitsotakis për bashkëpunimin e shkëlqyer.
Më tej presidenti serb bëri me dije se në fokus të takimit ishte dialogu me Prishtinë, për të cilën u shpreh se Greqia e kupton qëndrimin e Serbisë, shkruajnë media serbe.
“Jam i sigurt se mund të tërheqim më shumë turistë grekë dhe së shpejti presidenti i Greqisë do të jetë në Serbi, kështu që do të diskutojmë ardhjen e më shumë investitorëve grekë. Edhe një herë ju faleminderit shumë, mikut tonë të madh”, tha Vuçiç.
Nga ana e tij, Mitsotakis ka falënderuar presidentin serb për mikpritjen, ndërsa ka shtuar se anëtarësimi në BE janë prioriteti kryesor dhe se Greqia e mbështet plotësisht këtë.
Më tej, ai tha se mbështet normalizimin me Prishtinën dhe shpreson që në Ballkan të mbizotërojë një atmosferë bashkëpunimi.
