TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas takimit të zhvilluar të hënën, me presidentin e Serbisë, Aleksandar Vuçiç, i dërguari i posaçëm i Bashkimit Evropian për dialogun, Miroslav Lajçak, ka thënë se është diskutuar për çështjen e energjisë dhe targave.
Lajçak nëpërmjet një postimi në Twitter, e ka cilësuar takimin e së hënës në Beograd “të hapur dhe serioz”.
Ai ka shtuar se për çështjet e diskutuara nevojiten zgjidhje urgjente.
Lajçak është takuar edhe me drejtorin e Zyrës për Kosovën në Qeverinë e Serbisë, Petar Petkoviç. “Kam ndjekur edhe çështjet aktuale në takim me Petar Petkoviç”, ka thënë ai.
“Në Beograd sot vazhdova diskutimin e hapur dhe serioz me presidentin serb, Aleksandar Vuçiç për normalizimin e marrëdhënieve.Energjia dhe targat ishin të larta në axhendën tonë pasi nevojiten urgjentisht zgjidhje” ka shkruar Lajçak.
