TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Siç e kemi thënë, avokati edhe shumë i njohur edhe shumë i ditur, Spartak Ngjela, vijon të zbardhë proceset politiko-juridike që do të ndodhin në Shqipëri dhe rolin e amerikanëve në këto procese.
Sipas, avokatit të ditur, së shpejti politika amerikane do të fillojë proceset penale, ndaj opozitës, por edhe mazhorancës.
Rrëfenja e avokatit Ngjela, mbi plotësimin e vakancave në parlament, korrupsionin dhe amerikanët:
Çfarë pritet nesër?
Njëlloj si pesë ditë më parë: dështim i korrupsionit.
Po politika amerikane?
Ajo e kupton që nesër fillon procesi i largimit nga Parlamenti i të revoltuarëve të korruptuar.
Po pas kësaj?
Menjëherë fillon numuri i plotë i Parlamentit të Shqipërisë për të mbyllur reformën me vota të plota.
Janë deputetët që nuk do ta dorëzojnë mandatin; dhe që do të qëndrojnë në Parlament. Sigurisht që nuk mendohet të jenë pak.
Po më pas?
Do plotësohet legjislacioni i plotë për Reformën në Drejtësi me numurin e nevojshëm në Parlament.
Po më pas?
Institucionet e reja, të drejtuara nga politika amerikane, do të fillojnë proceset penale. Kështu që, opozita e korruptuar, sipas skemës ndërkombëtarë, vetëshpejton reformën kundër vetes.
Por, goditje penale do të jetë kundër gjithë klasës politikë të korruptuar: edhe majtas, edhe djathtas.
Këtu realisht, pas 100 vjetësh, fillon rizgjimi i drejtësisë shoqërore në Shqipëri.
Kjo pritet të ndodhë, nëse do të ndërhyjë politika amerikane për t'i shpëtuar edhe një herë - Shqipërinë dhe shqiptarët. Të shohim.
/TPZ.AL/
