TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti Enkelejd Alibeaj i bëri thirrje mazhorancës për që ti thërras arsyes në këtë proces tepër të rëndësishëm për vendin, siç është zgjedhja e Prokurorit të Përgjithshëm.
“Një gjë është e vërtetë. Sot ju po filloni procedurën për të emëruar Prokurorin e Përgjithshëm të Shqipërisë. Çështja nuk ka qenë në kalendarin e punimeve që dy ditë më parë e miratuam. Ku e gjen të drejtën Sekretari i Përgjithshëm i Kuvendit apo Komisioni i Monitorimit të iniciojnë një procedurë parlamentare.
Kjo nuk është një tentativ, një aludim që mazhoranca kërkon të kap Prokurorin e Përgjithshëm, është fakt. Ju po filloni procedurën për të rrëmbyer Prokurorin e Përgjithshëm. Ju mund të keni dhe probleme personale me Llallën, por kam përshtypjen se keni probleme më të mëdha me dosjet e rënda, që Llalla po i çon sot përpara gjykatës.
Midis jush dhe nesh është e lehtë të mprehim armët dhe luftojmë kundra njëri-tjeterit, jo vetëm për të mbrojtur apo luftuar kundër një individi.
Ftesa ime është që t’i thërrasim arsyes dhe të pozicionohemi para Kushtetutës.
Është ftesa e parë që e bëj si jurist. Ftesa është dhe politike, sepse nëse do të hidhni këtë hap të gabuar në këtë qorrsokak kushtetues dhe politik, do të acaroni klimën politike të këtij vendi, kur nuk ka asnjë arsye ta bëni. Do të bëni kapje të sistemit të drejtësisë, do të godisni besimin tek publiku. 95% e publikut donte Reformën në Drejtësi. Jo po godisni parimin e ndarjes së pushteteve “ deklaroi Enkelejd Alibeaj. /TPZ.AL/
