TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Dy autorët e dyshuar të vrasjes së dyfishtë në kampingun e Finikoundës më 5 tetor, të pronarit grek të kampingut dhe punëtorit të tij shqiptar të cilit i kishte lënë gjysmën e pasurisë, mbërritën në Gjykatën e Kalamatës ditën e sotme (15 tetor) për masë paraprake sigurie.
Atyre iu dha një afat për të dhënë deklaratën e tyre të dielën në mesditë, 19 tetor. Avokati i autorit të dyshuar 22-vjeçar, Dimitris Gavelas, tha:
“Ata u sollën para gjyqtarit hetues dhe iu dha një afat për të dhënë deklaratën e tyre të dielën në orën 12:00. Ne kemi kërkuar dhe do të marrim kopje të dosjes së çështjes nesër. E tëra çfarë ai ka thënë është se nuk ka qëlluar, ndërsa akuzohet për bashkëfajësi fizike në vrasje seriale. Ai pretendon se nuk mbante armë, nuk mbante armë dhe nuk ka qëlluar.”
Në të njëjtën kohë, hetimi i autoriteteve është duke vazhduar për të përcaktuar nëse persona të tjerë janë të përfshirë në këtë rast, pasi dyshohet për një person të tretë. Në skenë është përfshirë një person i tretë , i cili vetëm pak minuta para krimit, ka pasur kontakt telefonik me njërin nga dy 22-vjeçarët dhe më pas me një celular që ndodhej brenda kampingut.
Ngatërresa e çështjes filloi të zbulohej të martën në mëngjes, kur bashkëpunëtori 22-vjeçar u paraqit vullnetarisht para autoriteteve dhe rrëfeu përfshirjen e tij në këtë rast.
Siç raportuan burime policore për “Protothema”, dy burrat ishin identifikuar që nga e diela e kaluar, por për shkak se hetimi nuk kishte përfunduar ende, ata ishin nën mbikëqyrje.
Megjithatë, pas publikimit të fotos në të cilën shiheshin të dy në skuter, bashkëpunëtori vendosi të dorëzohej. Disa orë më vonë, policia vazhdoi arrestimin e autorit të dyshuar 22-vjeçar ndërsa po dilte nga shtëpia e tij në Kallithea.
Të rinjtë thanë se qëllim nuk ishte vrasja, por shantazhi për t’i zhvatur para 68-vjeçarit grek, nëpërmjet informacioneve se ai abuzonte me të mitur, por gjithçka shkoi keq.
Dyshimet ranë tek pista e trashëgimisë së pasurisë, në përfshirjen e ndonjë të afërmi të pakënaqur si organizator. Nipi i grekut i mbijetoi plumbave në atë ngjarje.
