TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-kryebashkiaku i Vaut të Dejës, Zef Hila ka deklaruar se u mor në pyetje nga Prokuroria e Posaçme Kundër Korrupsionit dhe Krimit të Organizuar (SPAK) për një çështje që nuk flet dot në publik.
Para mediave, Hila tha se nuk tregonte dot detaje të tjera në lidhje me këtë çështje, pasi të dhënat përbëjnë sekret hetimor.
"Dhashë shpjegime për një çështje nën hetim në cilësinë e personit që kam dijeni. Nuk ju them dot më shumë, përbën sekret,"- tha Hila.
Hila, deputet i Partisë Demokratike u paraqit për herë të dytë në SPAK.
Kjo marrje në pyetje vjen pas denoncimeve të njëpasnjëshme të Partisë Demokratike në lidhje me bashkinë e Vaut të Dejës që aktualisht drejtohet nga Mark Babani. Hila është paraqitur në SPAK edhe në muajin shtator. Nuk dihet ende për çfarë mund të jetë pyetur.
