TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në ambientet e selisë së PS, do të nisë sot ‘shkolla verore’ e socialistëve.
53 deputetët që marrin për herë të parë një mandat, mes të cilëve 9 janë ministra aktualë, do t’i nënshtrohen trajnimeve intensive për t’u njohur me praktikën legjislative, sjelljen në parlament, detyrat dhe të drejtat që u jep kushtetuta për ta kryer më së miri detyrën e tyre.
Ndër të parat që ka mbërritur në selinë rozë ka qenë Zegjine Çaushi, e cila doli fituese nga listat e Fierit dhe tërhoqi vëmendjen gjatë fushatës edhe me ‘debatet’ në distancë me Gazment Bardhin.
Marjana Koçeku, e njohur ndryshe edhe si Neomalësorja, tha: “Është akademi dhe kënaqësi që do të marr pjesë”.
“S’mund ta quajmë shkollë, thjesht një trajnim. Nuk kemi lektor të preferuar, që nga kryeministri i pari dhe deri te i fundit. “, u shpreh Zegjine duke iu përgjigjur pyetjeve të gazetarëve.
Ka mbërritur gjithashtu edhe deputeti Fatmir Xhafaj, i cili u shpreh:
“Nuk do të bëj mësim, nuk janë nxënës por kolegët të mi dhe siç ndodh në çdo punë tjetër, dikush që ka një eksperiencë mundohet t’ua transmetojë kolegëve. Kënaqësi që të takoj kolegët e mi që do të ndaj 4 vite në seanca par;amentare. “
Lektori i parë para 39 deputetëve të rinj socialistë, të dalë fitues nga procesi zgjedhor i 11 majit, do të jetë një “xhaketë e vjetër” e PS, si Fatmir Xhafaj.
Deputetët e rinj të mazhorancës do të duhet të shtyjnë kështu pushimet, pasi fillimisht do të marrin pjesë në shkollën verore të “Akademisë Politike”, që do të zgjasë një muaj, nga sot deri më 20 korrik, shkruan A2 CNN.
Lektorët dhe klasat do të ndahen në lëndë të ndryshme, të strukturuara si module që përfshijnë: sjelljen e deputetit, funksionimin e Parlamentit, marrëdhëniet ndërkombëtare dhe vizionin e PS për vitin 2030.
Moduli i parë, me lektorë Edi Ramën, Fatmir Xhafajn, Erion Braçen dhe Niko Peleshin është roli kushtetues i deputetit, marrëdhënia me elektoratin dhe etika e përfaqësimit.
Moduli i dytë, me lektorë Etilda Gjonaj, Klotilda Bushka dhe Toni Gogu, i dedikohet Arkitekturës së Kuvendit dhe procesit legjislativ.
Moduli i tretë, marrëdhëniet ndërinstitucionale dhe ndërkombëtare, do të shpjegohen nga Elisa Spiropali, Adea Pirdeni dhe Olta Xhaçka.
