TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Skemë piramidale e kontrolluar nga shteti. Kështu e konsideron deputetja e PD-së Albana Vokshi projektin për Portin e Durrësit të trumbetuar nga qeveria.
Vokshi deklaron se është vjedhje e një aseti publik, vetëm për ndërtim apartamentesh dhe se praktikisht e lë vendin pa asnjë port.
“Ne do vazhdojmë kërkesën tonë. Javën e fundit kemi dorëzuar 3 kërkesa për ngritjen e komisioneve. I pari ka qenë për 137 fluturimet me charter dhe shpërdorimet e 240 mln euro të Ramës me avionë, kur shqiptarët ishin në luftë më COVID-19. Kjo kërkesë u hodh në kundërshtim për votim në Kuvend. Kemi bërë një kërkesë, kemi 33 firma për çështjen e portit të Durrësit. E kemi kundërshtuar këtë aferë. S’ka pasur transparencë dhe pa asnjë konkurrencë. I është dhënë një kompanie që nuk dihen se kush janë aksionerët", deklaroi Vokshi në News24.
Ajo theksoi më tej se është shkelur dhe MSA duke folur dhe për përgjigjen e komisionerit Oliver Varhelyi.
"Kemi marrë disa përgjigje, siç ishte dhe përgjigja e komisonerit të BE. Komisioneri shprehu shqetësimin për shkeljen e standardit dhe ka rikonfirmuar në letrën e tij për heqjen e fondeve që KE kishte planifikuar për portin e Durrësit, një pikë strategjike për Ballkanin. 28 mln euro, pas kësaj marrëveshje që bëri qeveria, u tërhoqën. Është vjedhje e një aseti publik, shkatërrim i Portit të Durrësit dhe falje e tokës publike. Është vetëm projekt për ndërtim apartamentesh. Qeveria thotë se do bëjë një port tjetër në Porto Romano që kushton shumë. Specialistët thonë se ky port s’ka kapacitetet e Portit të Durrësit. Pra e lë vendin pa port. Mbyll portat hyrëse për Ballkanin, për Kosovën, por dhe për Serbinë. Po si do financohet ky projekt? Nga do merrem paratë! Po shihni si e ka projekti të shkruar. 80 mln do jenë financim nga aksionerët dhe pjesa tjetër kredi bankare. Financohet nga shitja e apartamenteve apo nga hoteleria. Praktikisht do shesin apartamente, ndërkohë që ka një vit që ka nisur kjo procedurë. Është si skemë piramidale që bëhet me leje të qeverisë. Nuk është kompania e Alabarit”, tha Vokshi.
