TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Asambleja Kombëtare e PS-së do të zgjedhë sot anëtarët e rinj të Kryesisë dhe Sekretariatin, përmes një procesi votimi të 350 anëtarëve të forumit më të lartë politik, dalë nga Kongresi zgjedhor.
Për 10 vende vakante në Kryesinë e PS-së garojnë 14 emra, mes të cilëve përfshihen edhe Vangjel Tavo, kryebashkiaku i Himarës, si dhe ministrat Igli Hasani dhe Pirro Vëngu. Gjithashtu në garë përfshihen edhe deputetët Arben Pëllumbi, Erion Braçe, Eduart Shalsi dhe Toni Gogu.
Ndërsa në listën e zonjave përfshihen ish-kryetarja e Kuvendit, Lindita Nikolla, ministret Anila Denaj, Albana Koçiu dhe Delina Ibrahimaj.
Kryeministri Edi Rama u shpreh se gjithsecili do të matet sipas detyrës, ajo do të përbëhet nga të zgjedhurit e drejtpërdrejtë nga Asambleja, Sekretarit ekzekutiv dhe drejtuesit e qarqeve.
Në fjalën e tij, Kryeministri propozoi edhe dy nënkryetarë dhe sekretarin e Asamblesë. Si kandidatë për zv.kryetarë të Asamblesë janë propozuar Ilva Gjuzin dhe Besa Spaho, ndërsa për Sekretar Tonid Bejleri, aktualisht nënkryetar i bashkisë së Shkodër.
Ndërkohë mësohet se Rama ka hequr nga lista e kryesisë emrat e Olta Xhaçkës, Mimi Kodhelit, Ditmir Bushatin dhe Blerina Gjylametit.
