TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 39-vjeçar, i cili qarkullonte i armatosur në makinë është arrestuar nga policia në ‘Rrugën e Dibrës’ në Tiranë.
Siç shihet edhe në këto pamje, një automjet i pret rrugën një makine tjetër. Nga aty dalin tre policë, të cilët i afrohen makinës së 39-vjeçarit, e nxjerrin, e shtrijnë në tokë dhe e prangosin.
Në automjet u gjet 1 armë zjarri pistoletë me krehër dhe fishekë, që posedohej pa leje nga 39-vjeçari.
I riu banues në Tiranë, u arrestua në flagrancë, për veprën penale “Prodhimi dhe mbajtja pa leje e armëve, armëve shpërthyese dhe municionit luftarak”.
Njoftimi:
Tiranë/Finalizohet nga Komisariati Nr. 4, operacioni i koduar “Poseduesi”, kundër armëmbajtjes pa leje.
Qarkullonte me automjet, i armatosur me pistoletë, arrestohet në Rrugën e Dibrës, 39-vjeçari.
Sekuestrohen arma e zjarrit me krehër dhe fishekë, si dhe automjeti.
Shërbimet e Komisariatit të Policisë Nr. 4, në kuadër të aksioneve të njëpasnjëshme, të mbështetura te kontrollet dhe puna operative, me fokus evidentimin dhe goditjen e rasteve të armëmbajtjes pa leje, finalizuan operacionin e koduar “Poseduesi”.
Gjatë operacionit, në Rrugën e Dibrës, u ndalua automjeti që drejtonte shtetasi R. T. Në automjet u gjet 1 armë zjarri pistoletë me krehër dhe fishekë, që posedohej pa leje, nga ky shtetas.
Në përfundim të veprimeve procedurale, shtetasi R. T., 39 vjeç, banues në Tiranë, u arrestua në flagrancë, për veprën penale “Prodhimi dhe mbajtja pa leje e armëve, armëve shpërthyese dhe municionit luftarak”.
Materialet procedurale iu referuan Prokurorisë së Tiranës, për veprime të mëtejshme.
