TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Avancojnë punimet në segmentin rrugor Qukës-Qafë Plloçë. Ky konsiderohet një aks shumë i rëndësishëm që shkurton distancën mes Tiranës e Korçës, duke nxitur zhvillimin e bujqësisë dhe turizmit në zonë. Loti tretë ku po punohet aktualisht ka një gjatësi prej 9.5 km. Pavarësisht gjeologjisë së vështirë parashikohet që ky segment i rëndësishëm rrugor të përfundojë plotësisht në verën e vitit të ardhshëm.
Në segmentin 3 të aksit rrugor, Qukës-Qafë Plloçë, janë realizuar afro 66% e punimeve. Janë drejt fundit punimet për formimin e trupit të rrugës në mbushje dhe gërmim, ndërsa punohet edhe për mbrojtjen dhe sistemimin e skarpateve. "Në segmentin 3 të aksit rrugor, Qukës-Qafë Plloçë kanë përfunduar afërsisht 66% e punimeve. Punimet për formimin e trupit të rrugës në mbushje dhe gërmim janë drejt përfundimit, po ashtu po punohet për mbrojtjen dhe rregullimin e skelave. Një aks i shumëpritur që shkurton distancat ndërmjet tyre Tiranës dhe Korçës, duke nxitur zhvillimin e bujqësisë dhe turizmit në zonë.", shkruan ministrja Belinda Balluku.
Segmenti rrugor Qukës-Qafë Plloçë ka një gjatësi totale prej 43.3 kilometrash nis nga zona e Librazhdit dhe është nyje lidhëse me Qafë Thanën. I gjithë financimi për ndërtimin e tre loteve të rrugës Qukës-Qafë Plloçë arrin në 255.8 milionë dollarë.
