TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kreu i grupit të opozitës, Gazment Bardhi u shpreh se pavarësisht se PS miratoi projektligjin për buxhetin pa debat brenda pesë minutave, nuk janë lodhur dhe as dorëzuar.
“Hetimi i kontrata koncesionare është në shërbim të qytetarëve pse nuk lejohet opozita ti hetojë këto kontrata. Janë lidhur në kushte të konfliktit të interesit.
Rama jo vetëm që nuk i anulon, por i dha më shumë fonde një kontratë që duhej të anulohej. Nuk do i lejojmë punimet normale të Kuvendit. Opozita s’ka forcë që ti ndalojë ligjet, votat i ka Rama në bashkëpunim me krimin e organizuar.
Kemi një plan përshkallëzimi të aksionit opozitar në sallën e Parlamentit, do e shikoni hap pas hapi. Nuk jemi lodhur e as nuk jemi dorëzuar. Beteja fitohet për të rifituar opozita të drejtat”, tha Gazment Bardhi.
