TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Vrasja e Edmond Mëhallës që ndodhi mbrëmjen e 30 nëntorit në Elbasan, po shkon drejt zbardhjes. Raportohet se policia ka arrestuar dy persona dhe ka shpallur në kërkim një të tretë.
Të arrestuarit dyshohet se kanë ndihmuar në organizimin dhe mbulimin e gjurmëve, ndërsa i shpalluri në kërkim konsiderohet si një nga personat kryesorë për zbardhjen e plotë të dinamikës.
Shkak i vrasjes dyshohet të jetë një konflikt i kohëve të fundit të viktimës.
Mbrëmjen e djeshme Policia ka shoqëruar një person me banim ne Lezhë. Bëhet fjalë për shtetasin Naldi Gj. i cili rezulton se ka lëvizur ditë më parë me automjetin tip Audi para se të ndodhte vrasja.
Ky mjet u gjet i djegur dhe dyshohet se u përdor nga autorët.
Automjeti është në pronësi të një prej kompanive të vetë viktimës, Mondi Mehalla.
Në shtëpinë e Naldi Gj. në Lezhë është ushtruar kontroll dhe personi po shoqërohet në policinë e Elbasanit për të dhënë shpjegime për lëvizjet e tij.
Përveç Naldo Gjinit, i cili ditët e fundit ishte parë duke qarkulluar me mjetin e përdorur nga autorët dhe vijon të mbahet ende i shoqëruar, policia ka thirrur për sqarime ish-ortakun e Mëhallës si dhe rojen e karburantit.
Sipas burimeve, konfliktet e fundit mes biznesmenit dhe ish-partnerit të tij në biznes kanë ngritur dyshime, ndërsa ky i fundit dyshohet se ka dhënë deklarime të pavërteta lidhur me vendndodhjen e tij në momentin e vrasjes. Roja i pikës së karburantit, ndërkohë, po hetohet për pengim të zbulimit të së vërtetës.
Mbrëmjen e djeshme, operacioni i policisë solli arrestimin e ish-ortakut të Mëhallës si autor të dyshuar të ekzekutimit, si dhe të rojes së karburantit “Xhaxhi Oil” për veprime që penguan hetimin. Në kërkim është shpallur edhe një tjetër person, i dyshuar si bashkëpunëtor në organizimin e atentatit. Sa i përket Naldo Gjinit, me origjinë nga Lezha, policia kishte ushtruar kontrolle në banesën e tij pasi automjeti i përdorur në krim ishte pronë e subjektit të Mëhallës, i cili merrej me dhënien e makinave me qira.
Mondi Mëhalla, i njohur edhe me emrin Edmond Hyka, nuk ishte i panjohur për autoritetet. Me precedentë të mëparshëm për lëndë narkotike dhe armëmbajtje pa leje, ai jetonte në Tiranë, ndërsa prej vitesh kishte shtrirë aktivitetin në Elbasan, pronar i karburantit “Xhaxhi Oil”, ku edhe u ekzekutua, i shërbimit të taksive “El Taxi”, dhe më herët i lokalit “Hollyëood Lounge Bar”, biznes që ndërpreu aktivitetin pak vite më parë.
Ngjarja e rëndë ndodhi rreth orës 20:35, pranë karburantit “Xhaxhi Oil”, në pronësi të viktimës, në dalje të qytetit. Mëhalla sapo kishte dalë nga zyra dhe ishte drejtuar drejt automjetit të tij “Range Rover”, kur autorët iu afruan xhamit të makinës dhe hapën zjarr.
Hetimet paraprake tregojnë se ai u godit me tre plumba, dy prej të cilëve në kokë, duke ndërruar jetë në vend. Gjithçka u zhvillua brenda pak sekondash, duke lënë të kuptohet se ishte një ekzekutim i mirëorganizuar.
Grupi hetimor ka bërë të mundur sekuestrimin e kamerave, të cilat kanë fiksuar lëvizjet e autorëve. Autorët janë siguruar që objektivi ndodhej brenda ambienteve të karburantit dhe kanë pritur momentin kur ai të dilte nga zyra.
Në çastin që Mëhalla u ul në automjet, një Audi i zi është pozicionuar pranë “Range Rover”-it dhe një nga autorët, i identifikuar si personi që ka mbajtur rolin e qitësit, ka zbritur nga makina dhe ka qëlluar disa herë me pistoletë. Më pas, ai është kthyer me shpejtësi në automjet, ndërsa drejtuesi i mjetit ka marrë menjëherë kthesën për t’u larguar në drejtim të aksit Elbasan–Librazhd.
Në vijim të hetimeve, paraditen e së hënës u gjet në afërsi të fshatit Mirakë një automjet i djegur, që dyshohet se është përdorur nga autorët për t’u larguar pas krimit. Ky automjet rezultoi të ishte në pronësi të kompanisë së biznesmenit.
Mondi Mëhalla do të përcillet sot për në banesën e fundit, ndërkohë që forca të shumta sigurie do të jenë në momentin që familjarët do t'i japin atij lamtumirën e fundit.
