TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ministrja e Shëndetësisë Ogerta Manastirliu u shpreh sot se kemi një rritje të incidencës së tumoreve me 16%, por theksoi se është rritur në 70% numri i pacientëve që kanë marrë shërbim në spitale.
Ministrja prezantoi programin kombëtar të kontrollit të kancerit për dhjetë vitet e ardhshme.
“Çfarë rezulton në raport me përqindjet e fataliteteve duke marrë moshën aktive të punës. Kemi një ulje dhe nga ana tjetër kemi një rritje me 70% të pacientëve që kanë marrë shërbim.
Do të thotë që nëse kemi një rritje të incidencës të tumoreve me 16% kemi një rritje me 70% të pacientëve që kanë marrë shërbim.
Sistemi sot është shumë më i mirë pajisur. Është shumë më i aksesueshëm.
Dhe sistemin tonë sot kemi mundësi të bëjmë një trajtim efektiv sipas protokolleve të tumoreve në botë. Nuk dua që të mendoni se nuk jemi të vetëdijshëm që kemi ende shumë për të bërë.
Por nëse këto vite kemi rritur me 150% buxhetin për trajtimin, kemi përmirësuar radioterapinë dhe kemi mundësuar që të kemi një qasje multi-disiplinare për trajtimin që ka ende shumë për të ecur në raport me trajtimin, në raport me trajtimin e personalizuar, elementë që janë përfshirë në programin tonë dhjetë vjeçar.
Besoj që në dhjetë vite do të kemi një përmirësim në trajtimin e tumoreve, në funksion të uljes së vdekshmërisë” tha ajo.
