TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i grupit parlamentar të PD-së, Gazment Bardhi ka mbledhur grupin parlamentar për të diskutuar situatën politike të kësaj force pas zgjedhjeve të 14 majit si dhe procesin e riorganizimit.
Mbledhja është pak ditë pasi ish kryetari i PD-së, Lulzim Basha ka nisur një tur takimesh ku ka lënë të hapur mundësinë për të garuar sërish kur kjo forcë politike të hapë garën.
Pas përfundimit të mbledhjet së grupit të PD, Xhelal Mziu zhvilluar një komunikim për mediat.
Ai ka thënë se Partia Demokratike duhet të bashkohet dhe të jetë e unifikuar që të jetë konkurruese në zgjedhjet e 2025.
“Nëse nuk kemi një PD të bashkuar nuk do të jemi konkurruar në zgjedhjet e 2025.Puna e parë duhet të jetë unifikimi i PD dhe kur të ndodhë procesi i unifikimit do të kemi edhe zgjedhje të reja”, ka thënë ai.
Mziu ka qenë kryetar i bashkisë së Kamzës për disa mandate rresht dhe kërkoi të kandidonte edhe për zgjedhjet e 14 majit, por Berisha zgjodhi një kandidat me Primare, Arjan Hoxhën për të cilat ish-kryebashkiaku u shpreh se kishin probleme për shkak të përçarjes brenda Partisë Demokratike.
