TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në vendin tonë nuk është koha për të hequr maskat dhe masat kufizuese. Kështu ka deklaruar Kreu i Urgjencës Kombëtare, Skënder Brataj, i cili thekson se në vendin tonë vaksinimi ka shkuar në 55%.
Sipas Skënder Brataj kjo përqindje e vaksinimit të popullatës nuk lejon heqjen e kufizimeve.
“Në krahasim me vendet me vendet e zhvilluara që janë mbi 80% që nuk i shqetëson me fakti i masave shtrënguese, ne me 55% ose 43.1% nuk jemi në nivelin e duhur dhe sigurisht duhet të insistojmë që njerëzit të informohen që vaksnimi është për mbrojtjen e shëndetit të tyre për të mos rrezikuar me shtamet e reja që mund të lindin”, tha Brataj për Top Channel.
Për Bratajn shifrat pritet të pësojnë një tjetër ulje, por ai i druhet mutacioneve që mund të lindin. Dhe në vendet me nivel të ulët vaksinimi, ku përfshihet Shqipëria, ekspozimi ndaj shtameve të reja mbetet risk.
“Kjo është e lidhur me fund vjeshtën dhe dimrin për arsye se vërtet ne kemi mbërritur në 55% dhe Evropa është 80%, por ka vende të tjera në botë, sic është Afrika që është 85% e pambuluar, rreziku i lindjes së varianteve të reja është në këto zona. Po të vijë të na gjejë të zbuluar nga vaksinimi ose imuniteti ato variante mund të hapen. Nëse hapet një variant i ri mund të ndodhin mutacione të reja në ato vende ku ai përhapet më shpejt dhe nuk jemi të mbrojtur”, tha ai.
