TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zona e Gjirokastrës është përfshirë këtë të shtunë nga reshje intensive shiu dhe erë e fortë. Moti i keq ka shkaktuar probleme kryesisht në zonat malore përsa i përket furnizimit me energji elektrike.
Për shkak të erës së fortë në disa fshatra malorë të Qarkut Gjirokastër është dëmtuar rrjeti i shpërndarjes duke krijuar ndërprerje në furnizimin me energji. Stafet e OSSH po ndërhyjnë në terren për riparimin e defekteve.
Reshjet intensive kanë shkaktuar rrëshqitje tokë edhe në disa rrugë rurale ndërsa është ndërhyrë me mjete të rënda për largimin e dherave nga segmentet rrugore si dhe evitimin e problemeve për qarkullimin e mjeteve.
