TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Zbardhen përgjimet mes pronarit të firmës së autobusëve “Durrës-Milano”, Mikel Pici dhe Piro Rushi, drejtuesi i autobusit me destinacion Italinë në të cilin u gjetën mbi 13 kilogramë kokainë, ndërkohë që Prokuroria e Durrësit i ka dërguar për gjykim.
Kujtojmë që pronari Mikel Pici dhe shoferi i autobusit Piro Rushi u arrestuan në portin e Durrësit me 30 prill të vitit të shkuar. Ata akuzohen për veprën penale “Trafikimi i narkotikëve” mbetur në tentativë. Mikel Pici, pronar i firmës “Keli Trave” ka deklaruar se nuk kishte dijeni për lëndën narkotike të gjetur në autobus.
Vihet re që pronari i autobusëve i thotë shoferit, të mos tregojë që autobusi ka qenë në Fier, në mënyrë që të mos lërë gjurmë.
Një pjesë nga përgjimet:
Mikeli: Pse çfarë ke mos e vrit mendjen për këtë punë, rri i qetë nuk ke punë ti me rregull. Të dali njeri se i kam unë rri i qetë.
Piro: Mos fol, po autobusi ka qenë në Fier. Mos thuaj që ka qenë në Fier autobusi.
Mikeli: Jo, jo.
Piro: Nuk ke qenë në Fier thuaj
Mikeli: Jo jo nuk ke punë ti, në rregull.
