TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Të paktën 11 shqiptarë kanë rënë në pranga pas një operacioni të zhvilluar nga policia spanjolle.
Mediat e huaja shkruajnë se autoritetet kanë çmontuar organizatën kriminale, anëtarët e së cilës ishin të gjithë me origjinë nga Shqipëria. Të arrestuarit ishin të përfshirë në trafikun e drogës, mashtrimet me lidhjet e energjisë elektrike, armëmbajtje pa leje, posedimin e lëndëve plasëse.
Theksohet se anëtarët e bandës kriminale, fillimisht merrnin me qira shtëpi luksoze në zona jo shumë të populluara, me pas i përdornin për të prodhuar kanabis, ndërsa flinin në tokë. Ndërkohë dy anëtarët të tjerë të bandës, ishin përgjegjës për ruajtjen e kontrollit të ‘shtëpive të barit’. Ata furnizonin me materialin e nevojshëm për plantacionet si edhe me produktet e nevojshme për ushqimet që të mos kishin nevojë të lëviznin në banesat luksoze.
Nga ky operacion u sekuestruan 97 kg boçe marijunë afro 4000 bimë në proces rritjeje, 223435 euro para cash dhe ndër të tjera sekuestruan një armë zjarri dhe një hanxhar.
