TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Asambleja Parlamentare e Këshillit të Europës ka reaguar në lidhje me vendimin e qeverisë shqiptare për mbylljen e dy institucioneve arsimore turke në Tiranë, respektivisht kolegjit ‘Mehmet Akif’ dhe kopshtit ‘Zubeyde Hanim’.
Përmes një deklarate zyrtare KiE thekson se; mbyllja është vlerësuar nga ekspertët si një vendim arbitrar i qeverisë shqiptare për shkak të presionit të autoriteteve turke.
Deklarata vijon duke nënvizuar se presidenti tur Erdogan përdori peshën e zyrës së tij për t’I kërkuar autoriteteve shqiptare mbylljen e shkollave të themeluara nga një grup i caktuar shtetasish turq, të cilët janë në opozitë.
Asambleja Parlamentare e Këshillit të Evropës i bën thirrje Shqipërisë që të repektojë shtetin e së drejtës dhe thekson se do ta ndjekë këtë rast.
DEKLARATA E KiE
Më 22 shtator 2022, qeveria shqiptare anuloi dy institucione arsimore turke për shkak të një procedure të pretenduar zhvendosjeje. Kjo mbyllje u vlerësua nga juristët, akademikët dhe shoqëria civile si një vendim arbitrar i qeverisë shqiptare për shkak të presionit të autoriteteve turke.
Për më shumë se shtatë vjet, politika e jashtme turke e bëri misionin e saj mbylljen e institucioneve arsimore të perceptuara si të sikletshme për qeverinë Erdogan. Presidenti turk përdori peshën e zyrës së tij për të kontaktuar autoritetet shqiptare dhe qeveritë e tjera duke kërkuar mbylljen e shkollave të themeluara nga një grup i caktuar shtetasish turq, të cilët ishin në opozitë. Këto përpjekje për mbylljen e shkollave u pasuan shpesh me rrëmbime dhe ekstradime të paligjshme. Rastet e rrëmbimit të mësuesve turq kanë ndodhur në të njëjtin skenar në Republikën e Moldavisë (shih Doc. 14649“Thirrja e Republikës së Moldavisë për të rivendosur sundimin e ligjit”) dhe kanë çuar në dënimin e vendit nga Gjykata Evropiane e të Drejtave të Njeriut. Ne jemi të shqetësuar që Shqipëria, si vend kandidat për në BE, nuk respekton shtetin e së drejtës duke vendosur politikisht nën presionin e jashtëm.
Asambleja Parlamentare duhet ta ndjekë këtë rast dhe t’i bëjë thirrje Shqipërisë të respektojë shtetin e së drejtës.
