TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një ngjarje e rëndë është shënuar mëngjesin e kësaj të marte në aksin kombëtar Librazhd-Elbasan, ku një makinë ka humbur kontrollin dhe ka përfunduar në rrjedhën e Lumit Shkumbin.
Balkan Web raporton se është shënuar një viktimë nga aksidenti.
Deri më tani janë nxjerrë nga mjeti tre persona, një burrë, një grua dhe një fëmijë i moshës 9 vjeç. Vogëlushi ndodhet në gjendje të rënduar dhe është drejtuar për në Spitalin Nënë Tereza në kryeqytet, për t’iu nënshtruar një ndërhyrjeje.
Sakaq, bëhet e ditur se ende ndodhen dy persona të mbyllur brenda në makinë.
Shanset që ata të jenë ende gjallë janë të pakta. Kjo pasi mjeti ndodhet katër metra nën thellësinë e ujit dhe nxjerrja e tyre në një kohë të shpejtë është tepër e vështirë.
Nga informacionet e siguruara, bëhet e ditur se personat që ndodheshin brenda mjetit vijnë nga një bashki të një zone veriore. Ky përfundim ka dalë nga mjekët, të cilët i janë referuar dialektit të përdorur nga të plagosurit.
