TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari i Përgjithshëm i PD-së, Gazment Bardhi edhe në këtë mbledhje të Këshillit të Mandateve ka marrë në pyetje avokatët e Arben Ahmetajt, për të cilin SPAK kërkon arrestimin e tij.
Mësohet se Bardhi iu ka kërkuar atyre të dhëna nëse mbi ligjshmërinë e pasurisë së Ahmetajt dhe nëse në udhëtimet e bëra me Mirel Mërtirin dhe Klodian Zoton, ka qenë apo jo së bashku me ta, Damian Gjiknuri.
“Nëse klienti juaj do ishte prezent dhe do të bashkëpunonte dhe përballej me drejtësinë, mund të kishim qenë mirëkuptues për me shumë kohë për mbrojtje. Por klienti juaj ka ikur jashtë vendit ditën që është kërkuar arrestimi. Kritikuat prokurorinë pse e ka shtrirë hetimin duke nisur që në vitin 2004.
Ky lloj hetimi i pasurisë së zyrtarëve duhet të bëhet për të gjithë politikanëve. Akuzat nuk kanë natyrë politike, por për korrupsion dhe abuzim me pushtetin. Pse jeni ju kundër kontrollit të pasurisë dhe shtrirjes se hetimit që nga 2004? Keni ju prova për ligjshmërinë e kësaj pasurie? Pse ka gënjyer Ahmetaj për raportin me Mirel Mërtirin dhe Klodian Zoton? A rezulton që në udhëtime njëlloj si Ahmetaj me këta dy persona, ka qenë edhe Damian Gjiknuri? A e konfirmoni ju këtë?”, pyeti Bardhi avokatët e Ahmetajt.
