TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 39-vjeçar shqiptar u arrestua nga policia greke, ndaj të cilit ishte në pritje një urdhër arresti europian, i lëshuar nga autoritetet belge.
Në prangat e policisë ka rënë Osmen Hoxha nga Njësia Administrative Qendër e Fierit.
Arrestimi i tij u krye nga oficerë policie të Nëndrejtorisë së Narkotikëve të Drejtorisë Kundër Krimit të Organizuar të policisë greke.
Urdhër-arresti kishte të bënte me përfshirjen e të Osmen Hoxhës në një organizatë kriminale me seli në Belgjikë, e cila dyshohet se është aktive në importimin e sasive të mëdha të kokainës nga Amerika e Jugut në vendet evropiane, si dhe në kultivimin e plantacioneve të marijuanës dhe funksionimin e impianteve të përpunimit dhe riformulimit të drogës jashtë vendit.
Konkretisht, arrestimi i Hoxhës lidhet me sekuestrimin e një kontejneri në shtator 2024 në portin e Antëerp, i cili përmbante 500 kilogramë kokainë. Shqiptari i arrestuar është dërguar në Prokurorinë Publike kompetente, ku është caktuar masa e paraburgimit, ndërsa hetimi për rastin vazhdon.
