TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Oficerët e antidrogës kanë arrestuar mbrëmjen e sotme një ish-punonjës policie në Kuçovë.
Ish-polici Sokol Dardha, 49-vjeç është arrestuar gjatë një operacioni në lagjen “1 Maji” të qytetit të Kuçovës, ndërsa inspektorët e antidrogës po kryenin një operacion.
Gjatë kontrollit atij ju gjetën në makinën tip "Ford", dhjetë doza lëndë narkotike dhe vaj hashashi, por ende nuk konfirmohet lloji i lëndës narkotike.
Dardha ka punuar në Policinë e Shtetit deri në vitin 1997. Ai ka mbërritur në ambientet e DVP Berat ku edhe do të merret në pyetje në lidhje me aktivitetin e tij kriminal.
