TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një incident i rëndë prishi atmosferën festive në koncertin e këngëtarit të njohur Ylli Limani në klubin e natës “Lollipop” në Palasë, ku një konflikt i ndodhur në zonën VIP solli përplasje fizike dhe panik në publik.
Ngjarja ndodhi në orët e para të mëngjesit, ndërsa Limani po performonte në skenë bashkë me grupin Three Dots. Sipas dëshmitarëve, një debat mes dy grupeve degjeneroi në dhunë, ku u përdorën sende të forta si shishe e gota.
Për pasojë, koncerti u ndërpre menjëherë dhe shumë të pranishëm u larguan me nxitim, duke lënë pas rrëmujë dhe panik.
Pamjet e publikuara tregojnë për një situatë kaotike dhe frikë mes publikut. Deri më tani nuk ka njoftim zyrtar nga policia mbi shkaqet apo të përfshirët në konflikt.
Yll Limani reagoi më pas përmes rrjeteve sociale, duke shprehur keqardhje për ndërprerjen e koncertit:
“Çka nisi si një mbramje perfekte, u la në gjysmë për shkak të një konflikti që ndodhi. Më vjen shumë keq edhe ishalla jeni krejt mirë.”
Hetimet për ngjarjen janë në vijim.
View this post on Instagram
