TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Presidenti amerikan, Donald Trump thotë se 20 pengjet izraelite janë kthyer në Izrael dhe se tani fillon faza e dytë e planit të paqes në Gaza.
Përmes një postimi në Truth Social, Trump deklaroi se një barrë e madhe është hequr në Lindjen e Mesme, por puna nuk ka mbaruar.
“Faza e dytë fillon tani!”, shkroi presidenti ndër të tjera.
“Faza e parë” e planit të paqes së Trumpit synonte të adresonte kërkesat kryesore të të dyja palëve – përkatësisht një armëpushim në Gaza dhe kthimin e pengjeve në Izrael.
E dyta do të përqendrohej në rindërtimin e enklavës në një mënyrë që garanton paqe dhe siguri të qëndrueshme. Gjithashtu përfshin hapat e parë drejt çarmatimit të Hamasit.
Trump pranoi se fazat e marrëveshjes janë “të gjitha pak të përziera me njëra-tjetrën”, duke shtuar më vonë se elementët ende mund të merren “jashtë renditjes në një mënyrë pozitive”.
