TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prej 18 vitesh ai qëndroi i lirë, por aventura në arrati e një shqiptari ka marrë fund, pasi është arrestuar nga policia greke.
Sipas mediave, shqiptari akuzohet për një grabitje prej 20 mijë e 500 eurosh në Ilia.
Bashkëpunëtori i tij u arrestua dhe u dënua, por 47-vjeçari shqiptar mbeti i zhdukur dhe mesa duket besonte se autoritetet e kishin harruar edhe grabitjen edhe atë.
Kështu, me komoditetin e të pafajshmëve, në Javën e Madhe të Pashkëve u shfaq në një kafene në qendër të Amaliadës, por policët e kanë vënë re praninë e tij dhe kanë tentuar ta arrestojnë.
Edhe pse fillimisht arriti të arratisej, në ndjekjen që pasoi ai u arrestua përfundimisht. Sipas mediave vendase, i ashtuquajturi “fantom” i Amaliadës, kryesisht në vitet 2000, kishte kryer një mori krimesh.
Në fakt, në vitin 2006 ai arriti të arratisej në Itali, por si duket kishte mundur të hynte sërish në Greqi.
