TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Komisioni Qendror i Zgjedhjeve ka përditësuar të dhënat mbi numrin e votuesve që kanë marrë pjesë në zgjedhjet për kreun e Bashkisë së Himarës, ndërsa garojnë përballë njëri-tjetrit, Vangjel Tavo i mazhorancës dhe Petro Gjikuria i opozitës.
Sipas KQZ-së, nga të dhënat e 30 qendrave të votimit nga 36 që ka gjithsej Bashkia e Himarës, pjesëmarrja deri në orën 18:00 ishte 36.01 %, shifër kjo më e lartë se ajo e një viti më parë kur zgjedhjet mbaheshin në 14 maj mes Fredi Belerit dhe Jorgo Goros.
Deri tani votimi ka qenë i qetë, me përjashtim të problemit të personave me karta ID dhe pasaporta të skaduara, të cilët nuk janë lejuar të votojnë pasi nuk e lejon ligji. Opozita ka qenë më vokale në artikulimin e këtij shqetësimi.
