TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Posaçme e Apelit ka lënë në fuqi vendimin e GJKKO për dënimin e Fredi Belerit me dy vite burgim.
Vendimi u shpall nga tre gjyqtarët Daniela Shirka, Dhimiter Lara dhe Ilirjana Olldashi. Ndërkaq është rrëzuar kërkesa e avokatëve të Belerit për përjashtimin e Daniela Shirkës. Në seancë ka pasur shumë interesim nga mediat greke dhe mbështetës të Belerit. Po ashtu nuk ka munguar edhe ambasadorja greke.
Më 14 qershor, pas një seance që zgjati gati katër orë Gjykata e Apelit të Posaçëm deklaroi të mbyllur shqyrtimin gjyqësor. Bashkë me Belerin në gjyq është edhe bashkëpunëtori i tij, Pandeli Kokaveshi. Beleri dhe Kokaveshi kërkojnë pafajësi për akuzën për blerje votash pasi GJKKO e dënoi me dy vite Belerin dhe një vit e gjashtë muaj burg Kokaveshin. Vendimi i Kokaveshit është i pezulluar me shërbim prove për tre vjet.
Fredi Beleri u arrestua më 12 maj në lokalin e tij, në Himarë, vetëm dy ditë para zgjedhjeve lokale të 14 majit 2023, teksa ofronte para për të vlerë tetë vota në shifrën e 40 mijë lekëve. Arrestimi erdhi pas denoncimit në prokurori nga bashkëpunëtori i drejtësisë i cili kishte treguar se i ishin ofruar para në këmbim të votave.
Më 10 qershor Fredi Beleri, është zgjedhur eurodeputet në Greqi, ku mori 237 mijë vota dhe ishte eurodeputeti i katërt më i votuar në shtetin helen, ndërsa po i katërti rezulton edhe në listën e shtatë deputetëve të dalë nga lista e partisë së kryeministrit Mitsotakis, Demokracia e Re.
