TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Gjirokastër vijon ende aktive një vatër zjarri. Pavarësisht përpjekjeve të zjarrfikësve, zjarri i rënë mbrëmjen e djeshme në Labovë ka vijuar përgjatë gjithë natës deri në mëngjesin e kësaj dite
Gjatë natës është luftuar me zjarrin për të mos e lejuar që të përbënte rrezik për fshatrat Labovë e Madhe dhe Labovë e Vogël. Në orën 04:00 të mëngjesit të së dielës forcat zjarrfikëse ne Gjirokastër u riorganizuan për ndërhyrje në pikat kyçe për mbajtjen nën kontroll dhe izolimin e zjarrit. Lufta me flakët vijon ende.
Në operacion marrin pjesë 37 forca vullnetare nga Bashkia, 6 punonjës me kontratë dhe 14 efektiva zjarrfikëse. Njëri grup lufton për izolimin e zjarrit në drejtim të fshatit Labovë, një grup në drejtim të malit. Aktualisht forcat zjarrfikëse në terren kanë nën kontroll zjarrin, ndërsa po bëjnë përpjekje për shuarjen e plotë të tij.
