TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Shqipëria ka arritur të sigurojë për herë të parë në histori një medalje në Lojërat Olimpike, me mundësin Chermen Valiev, që mori medaljen e bronzit.
Lidhur me këtë ngjarje, që është shumë e zakonshme për vendet e tjera që janë "mbytur" me medalje, por e pazakontë për vendin tonë historikisht pa medalje, ka reaguar kryeministri Edi Rama, që suksesin e Valievit nuk ia faturon vetëm atij, por edhe kreut të KOKSH, Fidel Ylli.
"Medalja e Parë Olimpike në historinë tonë është një lajm që flet shumë për punën e Komitetit të Rilindur Olimpik Shqiptar nën drejtimin e Fidel Yllit; për të vërtetën që Shqipërisë jo nuk i ikin më talentet sportive të lindura këtu, po talente të lindura gjetkë e zgjedhin si atdheun e dytë për t’u stërvitur në kushte optimale e për t’u ngjitur në majat e botës me flamurin kuqezi; si edhe për fillimin e një historie të re, që në vite do të sjellë fryte të tjera të gëzueshme falë lëvizjes masive sportive për fëmijët dhe investimeve masive në palestra e në infrastrukturë sportive që do të vazhdojnë. FALEMINDERIT KAMPION", shkruan Rama.
