TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Aktivistja e njohur mjedisore, Greta Thunberg, ka vizituar Tiranën dhe është bashkuar me protestuesit në sheshin Skënderbej, në manifestimin për solidaritet me palestinezët. Protesta është organizuar nga Lëvizja për të Drejtat e Njeriut dhe Paqen Ndërkombëtare "Solidariteti Albania" dhe shoqërohet me mesazhe si “Urgjente. Ndalo urinë. Lejo ushqimin, lejo jetën. Protesto me Greta Thunberg”.
Përmes një videoje, Thunberg u shpreh se është koha për t’u bashkuar dhe për të kërkuar fundin e pushtimit të paligjshëm izraelit në Gaza. “Gaza ka hyrë në fazën 5 të kequshqyerjes dhe palestinezët po përdorin pak energji që u ka mbetur për të nxitur botën të ngrihet dhe të zgjedhë një anë. Ne do të ngrihemi së bashku për të kërkuar fundin e pushtimit të paligjshëm, aparteidit dhe gjenocidit të Izraelit,” tha ajo.
Qytetarë të shumtë që morën pjesë në protestë patën mundësinë të bënin foto me aktivisten, e cila është një nga zërat më të fuqishëm globalë për çështjet mjedisore dhe sociale.
Kjo nuk është hera e parë që Greta Thunberg përfshihet në protesta për Palestinën; në qershor ajo dhe disa aktivistë të tjerë u ndaluan nga ushtria izraelite gjatë një përpjekjeje për të dërguar ndihma humanitare në Rripin e Gazës.
