AKTUALITET, 3 Dhjetor 2023, 12:52

Familjarët dorëzojnë kërkesën për zhvarrosjen e trupit të Liridonës: Duam që ajo të prehet në fshatin e saj

Familjarët dorëzojnë kërkesën për zhvarrosjen e

Familjarët e Liridona Ademaj-Murseli që u vra mbrëmjen 29 nëntorit, kanë bërë kërkesë për zhvarrosjen e turpit të vajzës së tyre dhe të njëjtën ta varrosin në fshatin e saj të lindjes, në Rracaj.

Kërkesën familjarët e Liridonës ia kanë dorëzuar Prokurores Besa Limani.

“E nderuar prokurore, kërkojmë nga ju që të na mundësoni që turpin e vajzës sonë Liridona Ademaj ta zhvarrosim dhe ta rivarrosim në fshatin Rracaj. Kjo është një procedurë dhe përjetim tepër i rëndë për neve dhe këtë vendim e kemi marrë me shumë vështirësi por duam që ajo të prehet në shtëpinë e saj”, thuhet në kërkesën e familjarëve të Liridonës.

Familjarët kanë kërkuar gjithashtu nga prokurorja që gjatë procedurës së zhvarrosjes dhe rivarrosjes përmes policisë të ju sigurohet privatësi e plotë.

Vëllai i të ndjerës, sot para mediave tha se ende nuk kanë marrë përgjigje nga prokuroria për këtë kërkesë.

“E kemi bërë kërkesën për zhvarrosje. Rivarrimi me ndodh sa më shpejtë është më lehtë për neve si familjarë dhe me na e lehtësu dhimbjen. Ende nuk kemi marrë përgjigje nga Prokuroria”, tha Leonard Ademaj.