AKTUALITET, 1 Korrik 2022, 22:55

EMRI/ U konfliktua me dy persona të tjerë, kush është 51-vjeçari që mbeti i plagosur me armë zjarri. Si nisi sherri

EMRI/ U konfliktua me dy persona të tjerë, kush është

Të tjera detaje janë zbardhur në lidhje me plagosjen me armë zjarri në zonën e Mirditës. Mësohet se ngjarja ka ndodhur pas një konflikti të çastit, mes 51-vjeçarit Martin Prenga dhe dy personave të tjerë.

Policia thotë se pas ngjarjes, i plagosuri Prenga është transportuar në spitalin e Rrëshenit.

Ndërkohë në kërkim janë shpallur dy autorët e dyshuar të ngjarjes.

Mirditë / Informacion paraprak

Sipas policisë, i plagosur ka mbetur një 51-vjeçar, i cili është konfliktuar me dy persona të tjerë, të cilët janë shpallur në kërkim.

Në Urgjencën e Spitalit Rajonal Rrëshen është dërguar për ndihmë mjekësore, i plagosur me armë zjarri shtetasi M.P. 51 vjeç, banues në Klos, Mirditë.

Nga hetimet e paraprake dyshohet që ngjarja të ketë ndodhur në autostradën Rrëshen -Kukës, në Fan, Mirditë pas një konflikti të çastit të shtetasit M.P. me dy shtetas të tjerë të cilët janë shpallur në kërkim dhe punohet intensivisht për kapjen e tyre, por për shkak të hetimit, nuk bëjmë me dije  të dhëna të tjera për identitetet e tyre.

Vazhdojnë veprimet për zbardhjen e plotë të ngjarjes dhe kapjen e autorëve.