TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-ministri i Brendshëm Sandër Lleshaj ka postuar një foto në Facebook nga protesta e sotme në selinë e PD-së.
Ai thotë se kjo që ndodhi nuk është e çuditshme dhe se e vetmja gjë e re është shënjestra e sulmit. Lleshaj thotë se ka ardhur koha për një qasje të bazuar në ligj dhe jo në politikë.
“Nuk ndodhi ndonjë gjë e re as sot. Ishte vetëm një déjà vu në radhën e gjatë të atyre, që ky vend i mjerë përjeton prej tri dekadash, ajo që ndodhi sot në Tiranë.
I njëjti frymëzues,
të njëjtët ekzekutorë
dhe po të njëjtët të verbër që nuk dinë se çfarë bëjnë.
Edhe si përherë, e njëjta filozofi: dhunë në vend të ligjit dhe institucioneve.
Ata që kanë moshë të mjaftueshme, kanë plot ngjarje të ngjashme në kujtesë.
Për më të rinjtë, besoj se mjafton të kujtojnë dhunën e vitit 2019.
E vetmja gjë e re sot ishte shënjestra e sulmit.
Mbijetesa e këtij fenomeni turpërues për Shqipërinë nuk lidhet me ndonjë cen gjenetik të popullit shqiptar, por vetëm me stepjen e organeve të drejtësisë përballë organizatorëve të dhunës gjatë këtyre viteve.
Sot ka ardhur koha për një qasje të bazuar në ligj dhe jo në politikë.
Egërsirat nuk zbuten duke u prerë thonjtë” tha ai.
Ditën e sotme pas më shumë se tre orësh protestë dhe dhunë, Sali Berisha u tërhoq duke mbyllur tubimin me premtimin se do të rikthehet sërish deri në arritjen e qëllimit final që është largimi i Lulzim Bashës nga zyra.
