TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deputeti i Partisë Socialiste, Toni Gogu u përplas me ish-deputetin demokrat Luçiano Boçi, për Sali Berishën.
Sipas Boçit, Gogu nuk po tregon respekt referuar dhe faktit që dikur ka qenë pastor.
“Çfarë e shtyn opozitën shqiptare e cila në arkivën e saj juridike ka një nga opinionet më të mira që ka çuar në Gjykatë Kushtetuese, ku ne socialistët kemi humbur një çështje, që mos ta zbatojë opinionin e vet juridik?
Të plotësojë të gjitha kriteret që duhen për të krijuar një komision hetimor? Çfarë e shtyn? E shtyn vetëm krijimi i një pseudo kauze, sepse njëri nga ata, gjyshi i madh, ka një hall shumë të madh,” – u shpreh Gogu, duke perifrazuar një pasazh nga filmi "Njeriu me Top", ku është personazh Kadri Roshi, në rolin e plakut Mere që thirrej "gjyshi i madh".
Në këtë pikë ndërhyri Boçi, sipas të cilit komenti i Gogut ishte ofendues dhe ky i fundit bën moral pikërisht për të mos ofenduar.
“Po sikur ti s’je ofendues o zoti Gogu?! Se ke dhe kostumin e klerikut o burr. Po çfarë i ke këto? Do bëhesh dhe ti gjysh një ditë. Respekt mo respekt! Respekt dhe për moshën, dhe për historinë, dhe për personalitetin. Lëshon ofendime ti dhe na del me atë aureolën e njeriut që prekesh. Ju kaloni çdo cak turpi,” – u shpreh Boçi.
