AKTUALITET, 22 Shtator 2023, 18:15

“Do të shkoni te varrezat e çamëve?”/ Begaj “ngec” pas pyetjes, ngatërron Finiqin me genocidin ndaj shqiptarëve të Çamërisë

“Do të shkoni te varrezat e çamëve?”/ Begaj

Presidenti Bajram Begaj në një takim që ka bërë me diasporën shqiptarë në New York është pyetur nëse do të vizitojë varrezat e gjenocidit të shqiptarëve në Çamëri. Begaj në këtë moment, i 'ngecën' fjalët dhe e krahasoi këtë vizitë me vizitën që bëri në Finiq, një fshat me minoritet grek. 

Begaj po ashtu deklaroi se nuk ka për të bërë vizitë në varrezat e çamëve, ndërkohë që theksoi se nuk duhet që të bëhet objekt i nacionalizmave.

"Nëse i ke parë vizitat e mia, në Finiq në janar ishte një ngjarje e tillë... Shiko është një çështje që duhet të adresohet është një çështje që duhet të vlerësohet, por nuk duhet që të bëhet objekt i nacionalizmave. Të drejtat e njeriut janë universale", dëgjohet të thotë Begaj në videon e publikuar nga Ditar.al



Nga qershori i vitit 1944 deri në mars të vitit 1945, mijëra shqiptarë të Çamërisë përjetuan një gjenocid të ashpër nga forcat greke nën komandën e Napoleon Zervës, që rezultoi me vdekjen masive të civilëve, por edhe me shkatërrimin, grabitjen dhe konfiskimin e pronave të tyre, ndërkohë që sot ende kjo plagë është e hapur. Gjenocidi grek ndaj popullsisë çame është i dokumentuar në dokumente arkivore të disa arkivave të vendeve evropiane, por edhe rrëfehet ende në ditët e sotme nga shumë shqiptarë të Çamërisë që e kanë përjetuar dhe kanë qenë dëshmitarë të masakrave, ku edhe vetë historianë çamë kanë dokumentuar dhe rrëfyer gjenocidin e egër ndaj tyre.