TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Analisti Enton Abilekaj, i ftuar në emisionin “Të Paekspozuarit” në MCN TV, ka debatuar me kreun e Partisë Mundësia, Agron Shehaj, lidhur me faktin që ai refuzon pjesëmarrjen në komisionin e reformës zgjedhore, pasi e quan farsë.
Pjesë nga biseda
Abilekaj: Nëse ju keni bërë disa propozime, keni rastin për t’i hedhur dhe në sytë e publikut të shohim se çfarë do të bëjnë partitë e mëdha. Kemi përshembull depolitizimin e komisioneve zgjedhore që ju ndihmon ju.
Shehaj: Është e kundërta. Çdo propozim që del nga goja e Ballës dhe e mbështet mazhoranca, është në dëm të opozitës dhe demokracisë.
Depolitizimi themi është në favor, kjo nuk është aspak e vërtetë. As për partitë e reja. E di pse numërojnë votat PS dhe PD? Nuk kemi ne administratë të lirë.
Jetojmë në Shqipëri, këtu mësuesit zgjidhen politikisht. Zgjidhja më e mirë është pikërisht kjo, sepse ne preferojmë që votat t’i numërojnë PS dhe PD bashkë, sesa vetëm PS. Kush janë këta të depolitizuar? Kush do t’i zgjedhë ata?
Abilekaj: Ata hidhen me short. Përvoja e Greqisë…
Shehaj: Flasim për një vend ku gjithçka është e kapur. Kush do t’i zgjedhë këta? Nëse Taulant Balla do depolitizimin, është sepse do ta fusë në xhep.
Nuk kishte gjë më të drejtë se vota e emigrantëve, PS fitoi në Greqi me 80% të votave. Ne nuk biem viktima të kësaj loje.
