TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
39-vjeçarja Tefta Malaj, e plagosur nga bashkëshorti i saj Taulant Malaj natën midis 6 dhe 7 majit në Torremaggiore (Foggia), i cili i vrau dhe vajzën 16-vjeçare, Jessica-n dhe 51-vjeçarin italian Massimo De Santis, pasi besonte se kishte një lidhje me gruan e tij la spitalin poliklinik Riuniti në Foggia, për të marrë pjesë në funeralin e të bijës.
Lajmin e ka bërë të ditur avokati Michele Sodrio, i cili tha se gruaja “do të vazhdojë trajtimin”. “Ajo ndihet e persekutuar nga të gjithë ata urrejtës që po e sulmojnë rëndë në rrjetet sociale, sikur fajin e ka ajo për atë që ka bërë Taulanti”, deklaroi avokati.
Të hënën Tefta u largua përkohësisht nga departamenti i kirurgjisë së përgjithshme në Poliklinikën e Foggias për të marrë pjesë në varrimin e vajzës së saj.
Avokati tregon se me vullnetin e shprehur të gruas ka ndërmarrë veprime “për të gjetur një shtëpi të re për Teftën larg Torremaggiores, ku ajo absolutisht nuk dëshiron të kthehet të jetojë”.
Avokati shton se “Tefta ka nevojë për ndihmë konkrete për veten dhe për fëmijën djalin 5-vjeçar” të cilët aktualisht po ndihmohen “nga punonjësit socialë për të mitur që kanë ndërhyrë në dispozicion të gjykatës për të miturit e Barit”.
“Mattarella jep nënshtetësinë”
“I bëra një apel Presidentit të Republikës, Sergio Mattarella, sepse shpresojmë në ndërhyrjen e tij në kërkesën për nënshtetësinë italiane që Tefta ka bërë disa muaj më parë”, thotë Sodrio.
“Ajo jeton prej më shumë se 18 vjetësh në Itali, dy fëmijët i kanë lindur në Itali”, nënvizon ai duke iu referuar Xhesikës dhe djalit 5-vjeçar që ishte dëshmitar i masakrës në shtëpi.
“Ajo vetë është e integruar në mënyrë perfekte dhe ndihet italiane thellë në shpirt”, përfundon ajo.
Vajza 16-vjeçare u vra nga babai pasi ka mbrojtur nënën e saj me trup. Pasi vrau italianini me të cilin dyshonte se gruaja dhe vajza kishin lidhje, 45-vjeçari filmoi viktimat me celularin e tij. Taulant Malaj më pas lëshoi deklarata spontane duke pranuar vrasjen e dyfishtë.
