TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Posaçme shpalli sot (17 shkurt) fajtorë dhe dënoi dy të pandehur nga SPAK për korrupsion zgjedhor dhe blerje të votave në qarkun e Kukësit.
GJKKO ka marrë vendimin për dosjen që i përket zgjedhjeve parlamentare të 11 majit 2025, bazuar në denoncimet e depozituara.
Sipas vendimit të GJKKO, i pandehuri K. P. është dënuar me 1.7 vite burg, por për shkak të gjykimit të shkurtuar do të dënohet me 13 muaj izolim. Dhe si pasojë e paraburgimit të vuajtur, do të lirohet pasi e ka kryer dënimin.
Kurse i pandehuri tjetër, G.P., është dënuar me 1.9 vite, por po ashtu për shkak të gjykimit të shkurtuar dënohet me 14 muaj izolim.
Ndërsa për G. P., i cili po gjykohet në mungesë dhe më herët ka mbajtur detyrën e kryetarit të një njësie administrative dhe kryeplakut, SPAK ka kërkuar dënimin me 1 vit e 8 muaj burgim, gjithashtu me gjykim të shkurtuar.
Sipas SPAK, shtetasit K. P. dhe G. P. kanë premtuar dhe shpërndarë shuma parash me qëllim orientimin e votës për kandidatin e PSD në këtë qark.
