TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, foli sot jashtë ambienteve të SPAK, ku u paraqit për masën detyrim paraqitje për dosjen “Partizani” dhe hodhi akuza ndaj socialistit Taulant Balla.
Berisha tha se emri i Ballës lidhet me disa banda, ndërsa e cilësoi si një ndër kriminelët më të mëdhenj të vendit.
“Tao në dokumente figuron më i lidhur me disa banda. Jo me një, me disa banda. Prandaj Tao, që është një kriminel i vërtetë që mban portofolin e ministrit dhe mandatin e deputetit, është më kriminel se bandat, të cilave u shërben”, tha kreu i PD.
Berisha: Një gjë dua të them, që për mua si përgjegjës, si kryetar i partisë kryesore opozitare, krimi elektoral është krimi i parë, krimi më i shëmtuar, më i rëndësishëm, më antikushtetues.
Ramën, Gjiknurin, Manjën dhe të tjerët i ka amnistuar Altin Dumani, kjo dihet që ata janë kriminelë elektoralë.
Por këto të dhëna të reja që paraqes unë për krimin elektoral, këto dëshmojnë amnistinë ndaj këtij krimi të shëmtuar nga Skapi i partisë, dëshmojnë hipokrizinë e pretendimit të tyre se do hetojmë krimin elektoral.
Ndërkohë, duhet të jemi realistë, Tao në dokumente figuron më i lidhur me disa banda. Jo me një, me disa banda.
Prandaj Tao, që është një kriminel i vërtetë që mban portofolin e ministrit dhe mandatin e deputetit, është më kriminel se bandat, të cilave u shërben… …Lidhur me udhëtimin tim në Bruksel unë do të shkoj fitimtar atje.
Letra ka disa vlerësime të qarta aty se pse është ftuar Berisha në IDU. IDU është unioni demokrat ndërkombëtar dhe unë do shkoj atje pa diskutim edhe për të dhënë lajmin e triumfit të PD-së në zgjedhjet e 11 majit, për të dhënë edhe shembullin dhe praktikat se betejat për liri nuk humbasin kurrë…
…Lidhur me Elon Musk po bëhet një parapërgatitje për të qëmtuar se ku janë dhjetëra miliardë euro, ku i çoi Edi Rama, Lubi Balluku, etj. Ky do jetë një grup, në kuptimin e betejës është një grup që do merret me këtë betejë, kurse individë si Musk, nëna të dytë nuk bën.
Sipas Berishës, ish-ministri Balla i siguronte bandës së Elbasanit se rivalët do t’ua çonte në SPAK, duke ndikuar në këtë mënyrë në institucionet e drejtësisë.
“Ne jemi opozitë dhe beteja për votën e lirë është betejë e betejave. Kriminelët e votës së lirë janë ministrat. Vazhdon historia e Taos i cili pasi arrestoi me policinë dhe prokurorinë e Elbasanit rivalët e bandës, pasi u mor me çlirimin e aseteve, vazhdon krimin zgjedhor. Por këtë herë bashkëpunëtor ka SKAP-in e partisë. Më 17.11.2020 Target njoftoi se Bujari takoi Taon dhe i konfirmoi se kundërshtari i SPAK do të shkojë në SPAK me 100% siguri.
Thirrjet për në SPAK vendosen nga Tao dhe pastaj çohen për t’u ekzekutuar. Në një datë tjetër thuhet se të gjithë e kanë bllokuar Taon se nëse nuk e bën këtë gjë, nuk e kanë në krah. Një ditë më votë Target informon të njëjtin Pin se i thanë Taos ose bëje këtë gjë ose nuk do të lejojmë zgjedhje. A e kuptoni ku qëndroni fati i zgjedhjeve. Të gjitha urdhërohen nga banda”, tha Berisha.
